Tã îgĩ-îgĩ Póõlõ kâ Gãlãtíyã lé ꞌbá yî drí rî Gãlãtíyã lé ꞌbá Tã ꞌẽꞌá zị lâ nị lị sịśị rî Póõlõ îgĩ wárãgã nô tã ꞌdíyî pãpã kâ âꞌdálé ngbálí-ngbálí kr

Bản ghi

1 Tã îgĩ-îgĩ Póõlõ kâ Gãlãtíyã lé ꞌbá yî drí rî Gãlãtíyã lé ꞌbá Tã ꞌẽꞌá zị lâ nị lị sịśị rî Póõlõ îgĩ wárãgã nô tã ꞌdíyî pãpã kâ âꞌdálé ngbálí-ngbálí krístõ ꞌbá ró ꞌbạ drị gólâ Gãlãtíyã nã rî ꞌá, võ gólâ yí drí cãzó ꞌálâ ậcị drị -káká yí drí tõlé rî ꞌá rî ꞌbá yî drí. (Tã ꞌẽꞌẽ kápĩtã ) Tã îmbá ꞌbá gólĩyî õnjõ ꞌbá ró rî ꞌbá yî ꞌdê ĩyî trá Póõlõ vó cãlé tólâ gõꞌdá tã âtálé krístõ ꞌbá yî drí kĩ, Póõlõ ãâꞌdó kô lãjóꞌbá pạ tị ị rî ĩꞌdî, gõꞌdá tã îmbâ gólâkâ kĩꞌá nĩ rî õzõ õjílã ãâcâ trá krístõ ꞌbá ró rî, õꞌê gõꞌdá lãꞌbí Yúdạ yí kâ kô ꞌdĩ ãâꞌdô ányâ ró. Kápĩtã 1-2 Nõô âꞌdâ tã kĩ pạ tị ị yî lãjóꞌbá ꞌî, Yésũ njĩ yî nĩ tã âtî-âtî gólâ ngá pãpã kâ nõ pẽlé õjílã gólĩyî âꞌdó ꞌbá kô ꞌbạ súrú Yúdạ yí kâ ꞌásĩ rî ꞌbá yî drí. Póõlõ kĩ nĩ rî, lãjóꞌbá ãzí gólĩyî Yẽrõsãlémã ꞌálâ rî ꞌbá yî fẽ ĩyî drị -ãcê nĩ yí drí tã ꞌdî ꞌẽzó. Kápĩtã 3-4 Póõlõ kĩ nĩ rî, âꞌdó tã ãmbá ꞌî lãꞌbí Yúdạ yí kâ rî ꞌẽzó kô. Bê-rî lạ tị gólâ âꞌdózó mbị Ôvârí lị fị rî gõꞌdá ꞌdíyî pãzó rî, ãâꞌdô rĩꞌá tã lẽlé ĩꞌdî Yésũ ꞌá. Kápĩtã 5-6 Nõô âꞌdâ tã kĩ, ótĩlí bê ãmâ drị trá lâŋõ ãmákâ tã õnjí ãmákâ tãsĩ rî ꞌásĩ drãdrã Yésũ kâ ãmâ võ ꞌá rî sĩ rî, gõꞌdá Líndrí Tãndí Ôvârí kâ âꞌdâ lạ tị gólâ rĩrĩ kâ drị -bạĺạýị ró, gõꞌdá âꞌdózó kô rạ gị ị Sãtánã kâ ró rî trá ãmâ drí Mâ Póõlõ tíbê âꞌdó ꞌbá bê lãjóꞌbá Yésũ Krístõ kâ ró gõꞌdá ámâ ãzí-ãzí gólĩyî krístõ ꞌbá ró tíbê ꞌbã ꞌbá bê má bê nõlé nõ, mã îgĩ tã nô ꞌbá yî nĩ jõlé ãnî gólĩyî krístõ ꞌbá ró kạñịśạ ꞌbạ drị Gãlãtíyã kâ ꞌá nã ꞌbá yî drí. Nĩ nị trá tãndí ró kĩ, õjílã mvá njĩí mâ nĩ kô âꞌdólé lãjóꞌbá Yésũ kâ ró nõ. Gõꞌdá Yésũ Krístõ rî nyãányâ átá lâ Ôvârí tíbê gólâ rî lîdrí ꞌbá õdrã ꞌásĩ rî bê, gólĩyî njĩ mâ nĩ âꞌdólé lãjóꞌbá Yésũ kâ ró nõ. 3 Ôvârí tíbê ꞌbã ꞌbá bê ãmâ átá ró nõ gõꞌdá Kúmú ãmákâ Yésũ Krístõ bê õfẽ ĩyî õrẽ ãnî drí tã ạ ꞌdị bê. 4 Nĩ nị lạ tị gólâ tíbê Yésũ Krístõ drí íyî nyãányâ fẽzó drãlé tã õnjí ãmákâ rî ꞌbá yî tãsĩ, ãꞌdô ró bê yí drí ãmâ drị tĩzó ãngó tã õnjí kâ nõ ꞌásĩ, té õzõ Ôvârí drí lẽlé gólâ drí ꞌẽlé rî kâtí. 5 Ĩtí rî, Ôvârí rî rú ãâꞌdô ị njị -ị njị lâ ró zãâ gbạ dú ạ dũkũ ãkó. Ãâꞌdô ĩtí. Tã tã âtî-âtî tãndí pạ tị ị Ôvârí kâ ị njị zó ĩꞌdî ꞌẽlé rî 6 Mâ rĩꞌá lârõ-lârõ ró gõꞌdá tã ịŝũ-ịŝũ ró tã má drí ârílí trá ãnî tãsĩ rî tãsĩ. Ãnî rĩꞌá gólĩyî tíbê Ôvârí drí njĩlí trá âꞌdólé õjílã íyíkâ ró, tãlâ lõvõ gólâkâ ãnî drí tãkó ĩtí Yésũ sĩ ꞌdî tãsĩ, gõꞌdá nĩ jâ ãnî kpá trá ꞌwãâ tã âtî-âtî tãndí gólâkâ nõ âyélé gõzó tã âtî-âtî gólâ ányâ ró gõꞌdá zị lị kpá kĩꞌá nĩ ãâꞌdô tã âtî-âtî Ôvârí kâ ꞌî nõ ârílí ꞌẽlé ĩꞌdî! Nĩ âꞌdô tã ꞌdî ꞌẽꞌá ĩtí ró ꞌdĩ kó ángô tí ró yã? 7 Nĩ ârî drẽ, tã âtî-âtî tãndí pạ tị ị rî bê kó cé ãlô. Õjílã ãzâ ꞌbá yî bê rĩꞌá ãnî âdóꞌá tã âtî-âtî tãndí pạ tị ị gólâ tíbê ngá pãpã kâ nõ jãjã lâ sĩ ányâ ró. Gólĩyî ꞌbã ãnî drị trá lîjãlé. 8 Má âtâ ãnî drí pạ tị -pạ tị ró kĩ, õzõ õjílã ãzâ, gbõ lé mâ, ngãtá ámâ ãzí-ãzí yî, ngãtá mãlãyíkã ûrú lésĩ rî ĩꞌdî yã rî õpẽ tã âtî-âtî gólâ ngá pãpã kâ nõ trá ngĩî tã gólâ ãmâ drí rĩꞌá pẽlâ ãnî drí sịśị rî drị ị sĩ rî, nĩ ârî tã gólâkâ ꞌdĩ kô. Ôvârí õfẽ lâŋõ õjílã rî ꞌdĩ drí. 9 Má âtâ tã nô kpá ândálé óꞌdí ngbálí-ngbálí õfî ró bê ãnî drị ị dódó, õzõ õjílã ãzâ ĩîmbâ tã âtî-âtî tãndí gólâ ngá pãpã kâ nõ trá ãnî drí ngĩî tã gólâ ãmâ drí îmbálé ãnî drí sịśị rî drị ị sĩ rî, óõtrõ õjílã rî gógó ꞌdĩ vũlị lạ sị gólâ âdrã ꞌbá kô rĩ ꞌbá zãâ rạ ꞌdạ ạ dũkũ ãkó rî ꞌá õvê ró vólé. 10 Úlị gólâ má drí âtálé ꞌdĩ, má rî âtálâ ꞌdĩ, âꞌdó kô õjílã ꞌbãlé ĩꞌdî âꞌdólé ãyĩkõ ró. Má lẽ cé Ôvârí rî ꞌbãlé ĩꞌdî âꞌdólé ãyĩkõ ró. Õzõ tí má õꞌê ꞌdĩ cé õjílã ꞌbãlé ĩꞌdî âꞌdólé má bê ãyĩkõ ró rî, má âꞌdó kô pạ tị -pạ tị ró rû ị ꞌbũ ꞌbá Yésũ Krístõ kâ ĩꞌdî. Tã Póõlõ drí tã âtázó kĩ, tã âtî-âtî tãndí yí drí rĩꞌá âtálâ ꞌdĩ, yí ârî tã lâ Yésũ rî gógó tị sĩ rî 11 Ámâ ậdrúpị yî ámâ îzó yí bê, má lẽ âꞌdálâ ãnî drí nõtí kĩ, tã âtî-âtî tãndí má drí rĩꞌá âtálâ nõ rĩꞌá tã Ôvârí kâ ĩꞌdî, gõꞌdá âꞌdó kô tã õjílã mvá kâ ꞌî. 12 Ĩtí rî, má ârí tã âtî-âtî tãndí rî ꞌdĩ kpá kô õjílã ãzâ tị sĩ. Gõꞌdá õjílã ãzâ ãlôlâ îmbá kpá nĩ má drí kô. Yésũ Krístõ rî nyãányâ îmbâ nĩ má drí Nĩ ârî drẽ! Lạ tị má drí rĩzó ạ kû ró má drí ámâ nyãányâ fẽzó nyé pị pịŝịĺị ãlô sĩ õjílã Yúdạ yí kâ ró rî. Gõꞌdá má drí lãꞌbí ãmâ ạ ꞌbịýạ yí kâ rî ꞌbá yî tã lâ ꞌbãzó ndrĩ drị ꞌá gạ rạ ámâ ãzí-ãzí yî drị ị sĩ. Tã ꞌdî kâ rî tí rî, má rî trá lâŋõ fẽlé õjílã Ôvârí kâ rî ꞌbá yî drí õnjí ró gõꞌdá lạ tị lôndãlé gólĩyî ûfúzó ngbá vólé Gõꞌdá Ôvârí âꞌdâ pị pịŝịĺị tãndĩ íyíkâ trá má drí. Ĩꞌdî ĩtí, gólâ drí tã ꞌbãzó íyî mvá Yésũ rî âꞌdázó má drí. Drẽ ãkpã útị mâ kô rî, Ôvârí njĩ mâ trá âꞌdólé õjílã íyíkâ ró ị zạ tú. Kậyị gólâ drí njĩlí rî sĩ rî, drílâ ámâ ꞌbãzó íyî mvá rî nị lị, tãlâ má îcâ ró bê íyî mvá ꞌdĩ tã lâ pẽlé ãnî õjílã ꞌbạ súrú ãzâ ꞌbá yî gólĩyî tíbê âꞌdó ꞌbá kô õjílã Yúdạ yí kâ ró rî ꞌbá yî drí. Gõꞌdá má âꞌdô bê õjílã Yésũ kâ ró tã gólâkâ pẽlé rî, má îjí õjílã ãzâ kó kô ãlôwálâ, ãꞌdô ró bê tã má drí ꞌẽꞌá pẽlâ rî âꞌdálé má drí. 17 Gõꞌdá má nĩí kpá kô Yẽrõsãlémã ꞌálâ nĩꞌá gólĩyî tíbê âꞌdó ꞌbá trá lãjóꞌbá Yésũ kâ sịśị rî yî îjílí tã gólâ má drí ꞌẽꞌá pẽlâ rî tãsĩ. ꞌdĩî võ lâ ꞌá rî, má ngâ kôrô nĩlí ꞌbạ drị Sãwõdíyã kâ rî ꞌálâ, nĩꞌá rĩlí tólâ. Gõꞌdá ꞌdĩî vósĩ rî, má drí ngãzó gõlé Dãmãsékẽ ꞌálâ. 18 Gõꞌdá ndrô nâ vósĩ rî, má drí gõzó ngãlé nĩlí Yẽrõsãlémã ꞌálâ, nĩꞌá rû ûsúlị Pétẽrõ bê drị -káká lâ ró. Ãmâ drí rĩzó gólâ bê tólâ kậyị mûdrị -drị -lâ-ngâ-njị sĩ. 19 Gõꞌdá má drí ꞌbãzó tólâ rî, má drí kpá Kúmú Yésũ rî ậdrúpị rú bê Yãkóbã rî

2 2 Gãlãtíyã lé ꞌbá 1 2 ûsúzó. ꞌdĩî ꞌbá yî cé lãjóꞌbá Yésũ kâ gólĩyî má drí ûsúlị tã ngĩzó gólĩyí bê rî ꞌbá yî ĩꞌdî. 20 Tã má drí rĩꞌá âtálâ ãnî drí nõ rĩꞌá tã pạ tị ị ꞌî. Má îtrî lãtrítrí Ôvârí ágálé, má âdó nõ õnjõ ꞌî kô. 21 Gõꞌdá ꞌdĩî vósĩ rî, má drí ngãzó nĩlí nĩꞌá tã pẽlé Sírĩyã ꞌálâ gõꞌdá kpá Sĩlísĩyã ꞌálâ. 22 Kậyị ꞌdĩ ꞌbá yî ꞌá rî, õjílã gólĩyî kạñịśạ ꞌá ꞌbạ drị Yũdạýạ kâ ꞌálâ rî ꞌbá yî ndré ĩyî mâ cú ĩyî lị fị sĩ kô. 23 Gõꞌdá gólĩyî ârî cé ámâ tã ĩꞌdî ĩyî bị sĩ ândálé ândálé kĩ, ãgô gólâ tíbê rĩ ꞌbá lâŋõ fẽlé ĩyî drí õnjí ró tã âtî-âtî tãndí gólâ tã lẽ kâ Yésũ ꞌá nõ pẽrẽ ꞌá rî, ãâꞌdô gõꞌdá kpá trá rĩꞌá tã âtî-âtî tãndí tíbê yí drí ꞌẽꞌá êdrẽlâ ꞌdĩ pẽꞌá õjílã drí. 24 Gõꞌdá gólĩyî ârî ĩyî tã ꞌdî bê ĩtí rî, gólĩyî drí ngãzó rĩꞌá Ôvârí rî rú lûyịĺị tã tãndí Ôvârí drí ꞌẽlé má drí ꞌdĩ tãsĩ. Tã drị -ꞌbá kạñịśạ kâ drí lôsĩ Póõlõ kâ tã-drị lâ lẽzó rî Ndrô mûdrị -drị -lâ-ngâ-sû vósĩ rî, Ôvârí drí tã âtázó má drí Ãnĩtĩyókã ꞌálâ kĩ, má õgõ Yẽrõsãlémã ꞌálâ. 1 Gõꞌdá ãmâ drí nĩzó Bãrãnábã bê. Ãmâ drí Títõ rî drị zó kpãâ ãmá bê. Gõꞌdá mã câ bê Yẽrõsãlémã ꞌálâ rî, ãmâ drí tã ngĩzó drị -ꞌbá kạñịśạ kâ tólâ nã ꞌbá yí bê, má drí lôsĩ gólâ má drí rĩꞌá ꞌẽlâ tã âtî-âtî tãndí pẽpẽ kâ õjílã gólĩyî âꞌdó ꞌbá kô õjílã Yúdạ yí kâ ró nõ ꞌbá yî drí rî yî tã lâ âtázó cé gólĩyî drí. Má ngî lôsĩ rî ꞌdĩ tã lâ gólĩyî drí dódó ꞌdĩ rî, tãlâ lôsĩ gólâ tã pẽpẽ kâ má drí rĩꞌá ꞌẽlâ ãnî lãfálé gõꞌdá kpá ãmâ drí ꞌẽꞌá ꞌẽlâ ãní bê ị zạ tú rî, õzó kô âꞌdó võ tãkó ꞌá. 3 Lãꞌbí Yúdạ yí kâ vó ró, õjílã îcâ trá ꞌdẽlé bãsã ꞌá tãlâ âꞌdózó bê õjílã Ôvârí kâ ró. Gõꞌdá drị -ꞌbá kạñịśạ kâ ꞌdĩ ꞌbá yî ꞌbãá tã kô Títõ gólâ âꞌdó ꞌbá kô õjílã Yúdạ yí kâ ró rî, drí ꞌdẽzó bãsã ꞌá. Gólĩyî ndrê gólâ trá cú ĩtí õjílã Ôvârí kâ ró. 4 Nĩ ndrê trá, õjílã ãzâ ꞌbá yî tíbê ĩyî zị ꞌbá kĩ, yĩ ãâꞌdô kpá krístõ ꞌbá ꞌî rî, âfî ĩyî trá ãmâ lãfálé kírî ró tã îmbâ ãmákâ nị lị, ãꞌdô ró bê drị -bạĺạýị Yésũ Krístõ drí âfẽlé trá ãmâ drí nõ îzãlé, tãlâ yĩ õꞌbã ró ãmâ bê lãꞌbí Yúdạ yí kâ nõ ị njị lị kpá óꞌdí. 5 Ĩtí rî, gbõ lé gólĩyî âtâ bê ãmâ drí mbârâkã sĩ, mã õꞌbã ró Títõ ꞌdẽlé bãsã ꞌá rî, ãmâ drị -ꞌbá kạñịśạ kâ ꞌdĩ ꞌbá yí bê gâ ĩyî vólé dó tã gólĩyíkâ ꞌdĩ ârílí. Mã ꞌê tã ꞌdî ĩtí ꞌdĩ rî, tãlâ tã mbị tã âtî-âtî tãndí ngá pãpã kâ nõ kâ õrî ró bê ãnî pị pịŝịĺị ꞌá gạǵạ õzõ rákã fê kâtí zãâ gbạ dú ạ dũkũ ãkó. 6 Tã pạ tị -pạ tị ró, õjílã gólĩyî tíbê ndrẽlé drị -ꞌbá kạñịśạ kâ ró ꞌdĩ ꞌbá yî, gólĩyî âtá tã kô õnjí ró tã âtî-âtî tãndí ãmâ drí rĩꞌá pẽlâ nõ rú. (Õzõ õjílã õndrê gólĩyî õjílã ãmbá ró rî, âꞌdó kô tã ạńgị ró má drí, tãlâ Ôvârí ndrê ãmâ ndrĩ íyî lị fị ꞌá õjílã ãlô ró.) 7 Ĩtí rî, drị -ꞌbá ꞌdĩ ꞌbá yî nị ĩyî trá kĩ, Ôvârí njĩ mâ nĩ, ãꞌdô ró bê tã âtî-âtî tãndí Yésũ rî tãsĩ nô pẽlé ãnî gólĩyî tíbê âꞌdó ꞌbá kô õjílã Yúdạ yí kâ ró nõ ꞌbá yî drí, kpá nyé õzõ gólâ drí Pétẽrõ rî njĩrĩ tã tãndí ãlô-ãlô nõ pẽlé õjílã Yúdạ yí kâ drí rî kâtí. 8 ꞌdĩî kâ rî tí rî, gõꞌdá tã ꞌdî fî trá gólĩyî drị ị kĩ, tákõ pạ tị ị Ôvârí rĩꞌá lôsĩ ꞌẽꞌá má sĩ, ãnî õjílã gólĩyî âꞌdó ꞌbá kô õjílã Yúdạ yí kâ ró rî õlẽ ró ĩyî tã kpá bê tã âtî-âtî tãndí nõ ꞌá, kpá nyé õzõ Ôvârí drí ꞌẽrẽ lâ sịśị Pétẽrõ sĩ õjílã Yúdạ yí kâ drí rî kâtí. 9 Ĩtí rî, Pétẽrõ, Yãkóbã gõꞌdá Yõwánĩ yí bê tíbê ndrẽlé ĩyî õjílã ãmbâ-ãmbâ kạñịśạ kâ ró rî ꞌbá yî, gólĩyî ârílí bê tã gólâ Ôvârí drí ândrâ-tãndĩ fẽzó ãmâ drí Bãrãnábã bê lôsĩ ãmâ drí rĩꞌá ꞌẽlâ tã âtî-âtî tãndí kâ ꞌdĩ tãsĩ ãmâ tị sĩ rî, gólĩyî drí ãmâ lậgúzó ãyĩkõ sĩ gõzó ãmâ drị îyálé nî-bê-yã ꞌẽrẽ ꞌá tã âꞌdâ ró kĩ, yĩ õlẽ tã âtî-âtî gólâ ãmâ drí rĩꞌá îmbálâ õjílã gólĩyî âꞌdó ꞌbá kô Yúdạ yî ró rî lãfálé ꞌdĩ trá. Ĩtí rî, yĩ âꞌdô ĩyíkâ kpá zãâ rĩꞌá tã âtî-âtî tãndí rî ꞌdĩ pẽlé õjílã Yúdạ yí kâ drí. 10 Ĩtí rî, tã gólĩyî drí ãmâ îjízó ꞌẽlâ rî kó cé ãlô, gólĩyî lẽ ãmâ drí krístõ ꞌbá gólĩyî ngá ãkó Yẽrõsãlémã ꞌálâ rî ꞌbá yî pãlé, gõꞌdá ãmâ rĩꞌá ãyĩkõ ró tã gólĩyî drí îjílí ꞌdĩ ꞌá. Tã Póõlõ drí tã lôgõzó Pétẽrõ drị ị rî 11 ꞌdĩî vósĩ rî, Pétẽrõ drí ngãzó nĩlí rĩlí Ãnĩtĩyókã ꞌálâ, gõꞌdá gólâ drí rĩzó ậvị lị tã ãzâ ꞌbá yî ꞌá, má drí tã lôgõzó gólâ drị ị tã ányâ gólâkâ ꞌdĩ tãsĩ krístõ ꞌbá yî lị fị drị ꞌá. 12 Nĩ ndrê drẽ, sịśị rî, Pétẽrõ rî ngá nyãlé kpãkã ãlô krístõ ꞌbá gólĩyî tíbê âꞌdó ꞌbá kô õjílã Yúdạ yí kâ ró rî ꞌbá yí bê võ ãlô ꞌá. ꞌdĩî vósĩ rî, gõꞌdá krístõ ꞌbá gólĩyî õjílã Yúdạ yí kâ ró gólĩyî Yãkóbã drí âjólé rî ꞌbá yî âcâ bê ĩyî Yẽrõsãlémã lésĩ rî, Pétẽrõ ní drí gõzó kpá ngá gãlé dó nyãlé krístõ ꞌbá gólĩyî âꞌdó ꞌbá kô õjílã Yúdạ yí kâ ró rî ꞌbá yí bê. Gólâ ꞌê tã ꞌdî ĩtí ꞌdĩ rî, tãlâ gólâ trá ũrị ró tã ịŝũ gólĩyíkâ kĩ ꞌbá nĩ îcâ trá õjílã drí ꞌdẽlé zãlô bãsã ꞌá õgõ ró âꞌdólé õjílã Ôvârí kâ ró rî kâ rî tãsĩ. 13 ꞌdĩî vósĩ rî, drị -ꞌbá krístõ ꞌbá kâ gólĩyî âꞌdó ꞌbá õjílã Yúdạ yí kâ ró ãzâ ꞌbá yî ꞌdê ĩyî kpá trá Pétẽrõ vósĩ, gbõ lé gólĩyî nị trá kĩ nĩ rî, ꞌdĩî rĩꞌá tã ányâ ꞌî rî. Gõꞌdá Bãrãnábã ní drí áníkâ kpá ánî nyãányâ âdózó, ní drí kpá îtõzó tã Pétẽrõ kâ ꞌẽlé ꞌdĩ ꞌẽlé ĩꞌdî. 14 Gõꞌdá má ndrê tã ꞌdî bê ĩtí rî, gólĩyî rí ꞌdĩ kô tã âtî-âtî tãndí pạ tị ị Ôvârí kâ nõ lôbẽlé ĩꞌdî, má drí tã lôgõzó Pétẽrõ drị ị õjílã lị fị drị ꞌá kĩ, Nî Pétẽrõ, nî õjílã Yúdạ yí kâ ĩꞌdî, ní âyê tã ꞌẽꞌẽ õjílã Yúdạ yí kâ rî ꞌbá yí kâ trá, gõꞌdá ní rî rĩlí nyé õzõ õjílã gólĩyî âꞌdó ꞌbá kô Yúdạ yî ró rî kâtí. Gõꞌdá tãlâ ãꞌdô ꞌî ní drí áníkâ lẽzó ngá lậnjị -lậnjị lãꞌbí ãmákâ Yúdạ yí kâ rî kâ ꞌbãlé õjílã gólĩyî âꞌdó ꞌbá kô Yúdạ yî ró rî yî drị ị rî yã? 15 Útị ãmâ trá õjílã Yúdạ yí kâ ró. Tã ịŝũ ãmákâ Yúdạ yí kâ ꞌá rî, mã âꞌdó kô tã õnjí ꞌbá ꞌî õzõ ꞌbạ súrú ãzâ ꞌbá yí kâtí tíbê tã ꞌbãꞌbã Ôvârí kâ nị ꞌbá kô rî. 16 Gõꞌdá gbõ lé ãmâ õjílã Yúdạ yí kâ ĩꞌdî rî, ãmâ gólĩyî krístõ ꞌbá ró rî, mã nị trá kĩ, Ôvârí ndrê cé õjílã gólĩyî tã lẽ ꞌbá trá Yésũ Krístõ ꞌá rî yî ĩꞌdî õjílã tã mbị ꞌbá ró. Mã nị trá tãndí ró kĩ, õjílã îcá kô Ôvârí rî ꞌbãlé âꞌdólé ãyĩkõ ró cé tã ꞌbãꞌbã ꞌdî ꞌbá yî ꞌẽꞌẽ lâ sĩ. Tã ꞌdî kâ rî tí rî, mã lẽ tã trá Yésũ ꞌá pị pịŝịĺị ãlô sĩ, ãꞌdô ró bê ãmâ drí ngá pãpã ûsúzó. Tã lẽlẽ ãmákâ Yésũ ꞌá rî âꞌdô ãmâ ꞌbãꞌá nĩ âꞌdólé tã mbị ꞌbá ró Ôvârí rî lị fị drị ꞌá, tã gólâ ꞌẽ ꞌbá ãmâ ꞌbãlé âꞌdólé tã mbị ꞌbá ró Ôvârí rî lị fị drị ꞌá rî âꞌdó kô lãꞌbí ãmákâ Yúdạ yí kâ nõ ị njị -ị njị lâ ĩꞌdî. 17 ꞌdĩî kâ rî tí rî, õzõ gõꞌdá mã õlẽ trá âꞌdólé tã mbị ꞌbá ró Ôvârí rî lị fị drị ꞌá tã lẽlẽ sĩ Yésũ Krístõ ꞌá rî, âꞌdó kô lãꞌbí Yúdạ yí kâ rî ị njị -ị njị lâ sĩ, ꞌdĩî õjílã Yúdạ yí kâ drí ãmâ ꞌbãzó âꞌdólé tã õnjí tẽtẽ ꞌbá ró. ꞌdĩî âꞌdô âꞌdálâ kĩ, Yésũ ꞌbã ãmâ nĩ tã õnjí ꞌẽlé yã? Âꞌdó kô ĩtí! 18 Tã gólâ ꞌẽ ꞌbá ãmâ ꞌbãlé âꞌdólé tã õnjí ꞌbá ró tákányĩ rî, âꞌdô ꞌbãꞌá gõgõ kpá óꞌdí lãꞌbí Yúdạ yí kâ ị njị lị ãꞌdô ró ngá pãzó rî ĩꞌdî. Mã âꞌdô kpá zãâ rĩꞌá tã õnjí ꞌẽlé, õzõ mã õtírĩ tã ꞌbãꞌbã ꞌdî ãlôlâ ŋõô rî. 19 Gõꞌdá tã pạ tị ị rĩꞌá nõtí. Sịśị rî, má cê rû trá kpị ị ãꞌdô ró bê lãꞌbí ꞌdĩ ꞌbá yî ị njị zó. ꞌdĩî lãꞌbí ꞌdĩ kî tã-vó ámákâ trá âꞌdólé tã õnjí Nĩ zị búkũ Tã ꞌẽꞌẽ kâ kápĩtã 15.

3 Gãlãtíyã lé ꞌbá ꞌbá ró lédrẽ-lédrẽ ạ dũkũ ãkó rî ãkó. Ĩtí rî, gõꞌdá má âyélé bê tã gólâ kĩꞌá nĩ rî õrî ngá pãpã ûsúlị lãꞌbí ị njị -ị njị sĩ, má drí gõzó tã lẽlé Yésũ ꞌá rî, ꞌdĩî ꞌbã mâ trá âꞌdólé tã mbị ꞌbá ró Ôvârí rî lị fị drị ꞌá. 20 Nĩ ndrê drẽ, Yésũ drã bê fê lậlị -lậlị drị ị ámâ tãsĩ rî, ꞌdĩî rĩꞌá ókĩzõ má drã trá kpãâ Yésũ bê rî kâtí. Âꞌdô bê trá ĩtí rî, rĩrĩ ámákâ âꞌdó gõꞌdá kô õzõ ạ kû rî tí. Ngbãângbânõ rî, Yésũ Krístõ rî gõꞌdá trá nĩ má ꞌá. Má rî gõꞌdá kpá trá tã lẽlẽ sĩ Yésũ Krístõ tíbê âꞌdó ꞌbá Ôvârí rî mvá ró tíbê ámâ lẽ ꞌbá trá tákányĩ gõꞌdá íyî nyãányâ fẽ ꞌbá drãlé ámâ pãlé rî ꞌá. 21 Ôvârí pâ mâ nõ cú ĩtí tãkó ĩtí, âꞌdó kô kĩ, má ị njị tã ꞌbãꞌbã gólâkâ trá. Má îcá gõꞌdá kó kô pị pịŝịĺị tãndĩ Ôvârí kâ ꞌdĩ gãlé dó. Tí õzõ ãꞌdô tã pạ tị ị ꞌî õjílã âꞌdô ngá pãꞌá cú ĩtí tã ꞌbãꞌbã Ôvârí kâ ꞌẽꞌẽ sĩ rî, ꞌdĩî rî âꞌdálâ kĩ, Yésũ Krístõ drã íyíkâ nõ kó võ tãkó ꞌá. Tã gólâ tã lẽlẽ Yésũ ꞌá rî drí ꞌbãzó cé ĩꞌdî lạ tị ngá pãpã kâ ró rî 3 1 Ãnî õjílã Gãlãtíyã kâ tã nị ãkõ lé ꞌbá ró nõ ꞌbá yî, ãꞌdî âdô ãnî nĩ, ãnî drí gãzó dó tã pạ tị ị rî nị lị nõ yã? Tã gólâ ãmâ drí âtálé trá ãnî drí dódó kĩ, íîpâ Yésũ Krístõ fê lậlị -lậlị drị ị nõ tã õnjí ãmákâ tãsĩ rî vị trá ãnî drị ị sĩ yã? 2 Ĩtí rî, ꞌdõvó nĩ âꞌdâ drẽ cé tã ãlô nõ ĩꞌdî má drí. Ófẽ Líndrí Tãndí Ôvârí kâ ãnî drí ꞌdĩ, tãlâ nĩ ị njị lãꞌbí Yúdạ yí kâ trá rî drí yã? Kó kô, âꞌdó ĩtí kô. Nĩ ârî tã âtî-âtî tãndí Ôvârí kâ nõ ĩꞌdî ãnî drí gõzó tã lẽlé ꞌá lâ pị pịŝịĺị ãlô sĩ, ĩꞌdî Ôvârí drí gõzó Líndrí Tãndí íyíkâ fẽlé ãnî drí ꞌdĩ. 3 Bê trá ĩtí rî, gõꞌdá nĩ âꞌdô tã nị ãkõ lé ꞌbá ró ĩtí ãꞌdô drí yã? Sịśị rî, nĩ lẽ tã trá Yésũ ꞌá mbârâkã Líndrí Tãndí Ôvârí kâ rî kâ sĩ. Gõꞌdá tãlâ ãꞌdô ꞌî ãnî drí kpá îtõzó tã ꞌẽlé mbârâkã ãnî nyãányâ kâ sĩ yã? 4 Ãꞌdô ĩtí rî, gõꞌdá lâŋõ ndrĩ gólĩyî rû ꞌẽ ꞌbá trá ãnî krístõ ꞌbá ró rî drí rî âꞌdô trá tãkó ĩtí yã? 5 Ôvârí âjô Líndrí Tãndí íyíkâ trá ãnî drí, gõꞌdá Líndrí Tãndí rî ꞌdĩ ꞌê tã lârâkô trá ãnî lãfálé ꞌá dũû. Ôvârí âjô Líndrí Tãndí íyíkâ trá tã lârâkô ꞌdĩ ꞌbá yî ꞌẽlé ãnî lãfálé ꞌdĩ rî, tãlâ nĩ ị njị tã ꞌbãꞌbã gólâkâ trá rî drí sĩ yã? ꞌéꞌẽ, âꞌdó ĩtí kô. Gólâ ꞌê tã ꞌdî ĩtí ꞌdĩ rî, tãlâ nĩ ârî tã âtî-âtî tãndí gólâkâ ꞌdĩ trá gõꞌdá nĩ lẽ tã trá ꞌá lâ pị pịŝịĺị ãlô sĩ rî drí. 6 Tã ngá pãpã kâ ꞌdĩ rĩꞌá nyé õzõ tã Ãbãrãyámã kâ îgĩlí trá búkũ Ôvârí kâ ꞌá ạ kû ró nã rî kâtí. Íîgĩ trá kĩ, Ãbãrãyámã lẽ tã trá úlị Ôvârí kâ ꞌá, ĩꞌdî ꞌdĩ gólâ drí ꞌbãzó tã mbị ꞌbá ró Ôvârí rî lị fị drị ꞌá tã lẽlẽ gólâkâ ꞌdĩ drí sĩ. 2 7 Nĩ ịŝũ drẽ tã ꞌdî. Tã ꞌdî âꞌdâ tã ãmâ drí kĩ, gólĩyî tíbê tã lẽ ꞌbá trá Ôvârí ꞌá rî yî âꞌdô ꞌbãꞌá ĩyî õjílã Ôvârí kâ ró, õzõ Ãbãrãyámã rî ózõwá yî drí âꞌdórẽ õjílã Ôvârí kâ ró rî kâtí. 8 Gõꞌdá íîgĩ kpá trá búkũ Ôvârí kâ ꞌá ạ kû ró kĩ, Ôvârí ãâꞌdô kpá õjílã gólĩyî ꞌbạ súrú lídí kâ ró rî ꞌbá yî ndrẽꞌá tã mbị ꞌbá ró íyî lị fị drị ꞌá, õzõ gólĩyî õlẽ tã trá yí ꞌá pị pịŝịĺị ãlô sĩ rî. Mã nị tã ꞌdî trá úlị Ôvârí drí âtálé Ãbãrãyámã drí nõ ꞌbá yî sĩ. Gólâ kĩ nĩ rî, yí âꞌdô õrẽ fẽꞌá ꞌbạ súrú ãzâ ꞌbá yî drí ndrĩ Ãbãrãyámã sĩ. 3 9 Ĩtí rî, õjílã gólĩyî ndrĩ tã lẽ ꞌbá trá Ôvârí ꞌá pị pịŝịĺị ãlô sĩ rî, Ôvârí âꞌdô õrẽ fẽꞌá gólĩyî drí, õzõ gólâ drí fẽrẽ lâ Ãbãrãyámã drí tã lẽlẽ gólâkâ tãsĩ rî kâtí. 10 Ĩtí rî, gõꞌdá gólĩyî ĩyíkâ tã ịŝũ ꞌbá kĩ, Ôvârí âꞌdô ĩyî ndrẽꞌá tã mbị ꞌbá ró gólâ lị fị tãlâ yĩ ị njị tã ꞌbãꞌbã gólâkâ trá rî drí rî, Ôvârí âꞌdô gólĩyî trĩꞌá ârîmâ ãkõ gólĩyíkâ tãsĩ. Nĩ ndrê drẽ, õjílã gólâ îcá ꞌbá tã ꞌbãꞌbã ꞌdî ꞌbá yî ꞌẽlé ndrĩ ị tú vósĩ cé rî yûꞌdạẃạ. Gõꞌdá íîgĩ trá búkũ Ôvârí kâ ꞌá kĩ, Õjílã ndrĩ gólĩyî rĩ ꞌbá ĩyíkâ ûjũlị tã Ôvârí drí ꞌbãlé trá búkũ íyíkâ ꞌá õjílã drí rî ꞌẽlé ndrĩ rî, gbõ lé õzõ tã õnjí gólĩyíkâ tã ꞌbãꞌbã ꞌdî ꞌbá yî tãsĩ rî ãꞌdô cé ãlô rî, lãtrí íyíkâ âꞌdô ꞌbãꞌá gólĩyî drị ị Mã nị trá dódó ãní bê kĩ nĩ rî, õjílã ãzâ yûꞌdạẃạ âꞌdó ꞌbá tã mbị ꞌbá ró Ôvârí rî lị fị drị ꞌá tã ꞌbãꞌbã gólâkâ ꞌẽꞌẽ lâ sĩ, tãlâ íîgĩ kpá trá búkũ gólâkâ ꞌá kĩ, Gólĩyî tíbê Ôvârí drí ndrẽlé tã mbị ꞌbá ró íyî lị fị drị ꞌá, tãlâ gólĩyî lẽ tã trá gólâ ꞌá rî, âꞌdô ĩyî rĩꞌá zãâ gbạ dú ạ dũkũ ãkó Tã gólâ cé tã ꞌbãꞌbã ꞌẽzó ĩꞌdî rî rĩꞌá tã ngĩî ꞌî. Âꞌdó kô tã lẽlẽ Ôvârí ꞌá rî tãsĩ, tãlâ tã îgĩ Ôvârí kâ âtâ kpá trá kĩ, õjílã gólâ lẽ ꞌbá trá tã ꞌbãꞌbã Ôvârí kâ ꞌẽlé ĩꞌdî ãꞌdô ró bê ngá pãpã ûsúzó rî, ꞌdõvó gólâ õrî zãâ tã ꞌbãꞌbã rî ꞌdĩ ꞌbá yî ꞌẽlé ndrĩ, ãꞌdô ró bê ngá pãpã ûsúzó Nĩ ndrê drẽ, lãtrí Ôvârí kâ bê ãmâ drị ị sĩ ndrĩ, tãlâ mã ꞌé tã ꞌbãꞌbã gólâkâ ndrĩ kô. Gõꞌdá Yésũ Krístõ ĩꞌdî tíbê ãmâ drị tĩ ꞌbá ró lãtrí Ôvârí kâ ꞌdĩ ꞌásĩ gõꞌdá lãtrí rî ꞌdĩ ꞌbá yî trõlé ndrĩ ꞌdó yí drị ị ãmâ võ ꞌá. Mã nị trá kĩ, gõꞌdá ótrî gólâ trá ĩꞌdî ãmâ võ ꞌá, tãlâ íîgĩ kpá trá búkũ Ôvârí kâ ꞌá kĩ, Õjílã gólĩyî ꞌĩlí trá fê drị ị rî ꞌbá yî, lãtrí Ôvârí kâ bê gólĩyî drị ị sĩ Yésũ Krístõ tĩ ãmâ drị ꞌdî kậyị ódrí gólâ rî ꞌĩzó fê drị ị îpâ-îpâ lâ sĩ rî ꞌá ĩtí ꞌdĩ rî, tãlâ õjílã ꞌbạ drị ꞌásĩ ndrĩ rî ꞌbá yî ũûsû ró ĩyî õrẽ tíbê ãlô-ãlô lâ Ãbãrãyámã drí ûsúlị rî bê kpá té lạ tị Ãbãrãyámã drí ûsúzó lâ rî ꞌásĩ Yésũ Krístõ sĩ. Gólâ ꞌê tã ꞌdî ĩtí ꞌdĩ rî, tãlâ yí ãâfẽ ró Líndrí Tãndí íyíkâ bê ãmâ gólĩyî tã lẽ ꞌbá trá yí ꞌá rî yî drí, nyé õzõ yí drí ꞌbãlé trá ꞌẽꞌá ꞌẽlâ ãmâ drí rî kâtí. Tã gólâ, tã ꞌbãꞌbã Ôvârí kâ õjílã drí ꞌẽlé rî ôjá tã ꞌbãꞌbã drílâ ꞌbãlé ꞌẽlâ ãmâ drí rî âꞌdólé ngá tãkó ró rî kô rî 15 Ámâ ậdrúpị yî ámâ îzó yí bê, má lẽ trá tã ámákâ âꞌdálé ãnî drí ngá gólĩyî ãngó nõ ꞌá nõ ꞌbá yî sĩ. Õzõ õjílã ãzâ ũmvû ĩyî ãrí trá õjílã ãzâ bê rî, õjílã ãzãkã îcá kô tã gólĩyíkâ ị ꞌbị lị ãrí mvũzó ꞌdĩ îzãlé. Gõꞌdá õjílã ãzãkã îcá kpá kô tã ãzâ âtrõlé âsõlé ꞌá lâ. 16 Kpá ĩtí, Ôvârí ꞌbã tã trá ꞌẽꞌá ꞌẽlâ Ãbãrãyámã drí gólâ rî ózõwá bê kậyị yí drí tã-drị lẽlẽ ꞌbãzó Ãbãrãyámã bê rî ꞌá. Tã îgĩ Ôvârí kâ ꞌdĩ âtá kô kĩ, ánî ózõwá yî. Gõꞌdá íîgĩ trá kĩ, ánî ózõwá. ꞌdĩî rî âꞌdálâ kĩ, cé õjílã ãlô ꞌî, tãlâ úzị trá cé ózõwá. Ózõwá rî gógó tã lâ îgĩlí ꞌdĩ Yésũ ĩꞌdî. 17 Má âꞌdô tã ꞌdî ífí lâ ngĩꞌá ãnî drí nõtí Tã Ómvó Ngá Tã Ómvó Ngá Tã ꞌbãꞌbã Ândâ Hãbákã Lạ vị ꞌbá yî Tã ꞌbãꞌbã Ândâ 21.23

4 4 Gãlãtíyã lé ꞌbá 3 4 Ạ kû ró rî, Ôvârí ꞌbã tã-drị lẽlẽ trá Ãbãrãyámã bê. Gõꞌdá ndrô dũûdû vósĩ, 8 gólâ drí gõzó tã ꞌbãꞌbã íyíkâ âfẽlé õjílã íyíkâ rî ꞌbá yî drí ꞌẽlé. Gõꞌdá tã ꞌbãꞌbã ꞌdî ꞌbá yî îcá kô tã-drị lẽlẽ gólâkâ ꞌbãlé trá õjílã gólâkâ rî ꞌbá yí bê sịśị rî îzãlé. Tã ꞌbãꞌbã ꞌdî ꞌbá yî îcá kô úlị gólâ õrẽ kâ âtálé Ãbãrãyámã drí rî îzãlé. 18 Gõꞌdá bê trá ĩtí rî, tãlâ ãꞌdô ꞌî ãnî drí rĩzó tã âtálé kĩ, Ôvârí ãâꞌdô lédrẽ-lédrẽ ạ dũkũ ãkó fẽꞌá ãnî drí, tãlâ nĩ ị njị tã ꞌbãꞌbã gólâkâ trá yã? Tí õzõ ãꞌdô trá pạ tị ị ĩtí rî, ꞌdĩî ꞌbã tã-drị lẽlẽ Ôvârí kâ ꞌbãlé ꞌẽꞌá ꞌẽlâ Ãbãrãyámã drí rî trá âcálé tã tãkó ró. ꞌdĩî rî âꞌdálâ kĩ, âꞌdó kô pạ tị ị Ôvârí drí õrẽ íyíkâ fẽlé ãmâ drí cú ĩtí, tãlâ tã gólâ drí ꞌbãlé trá ꞌẽꞌá ꞌẽlâ Ãbãrãyámã drí rî tãsĩ. Gõꞌdá mã nị trá tãndí ró kĩ, Ôvârí fẽ õrẽ trá Ãbãrãyámã drí cú ĩtí tã tãndí ꞌẽꞌẽ gólâkâ ãkó, cé tãlâ gólâ ꞌbã tã trá ꞌẽꞌá ꞌẽlâ Ãbãrãyámã drí rî drí. 19 Gõꞌdá nĩ âꞌdô tã îjíꞌá kĩ, Õzõ ãꞌdô ĩtí rî, gõꞌdá tãlâ ãꞌdô ꞌî Ôvârí drí tã ꞌbãꞌbã íyíkâ ꞌbãzó ãmâ drí ꞌẽlé yã? ꞌdĩî má âꞌdô tã-drị lâ lôgõꞌá ãnî drí nõtí, Ôvârí ꞌbã tã ꞌbãꞌbã íyíkâ õjílã drí ꞌdĩ rî, tãlâ áâꞌdâ ró bê õjílã drí kĩ, gólĩyî tã õnjí ꞌẽ ꞌbá ꞌî. Gólâ ꞌbã tã ꞌbãꞌbã ꞌdî ꞌbá yî trá õjílã drí cé cãlé bũúũ kậyị gólâ Ãbãrãyámã rî ózõwá yí drí tã lâ ꞌbãlé ꞌẽ ꞌbá âcálé rî tú. Ôvârí âfẽ tã ꞌbãꞌbã íyíkâ ꞌdĩ ꞌbá yî ãmâ drí mãlãyíkã yî sĩ, gõꞌdá mãlãyíkã yî drí fẽzó lâ Músạ drí, Músạ drí gõzó âꞌdólé tã êdé ꞌbá ró õjílã Ôvârí kâ drí Ôvârí bê. 20 Gõꞌdá tã êdé ꞌbá rî íyíkâ õjílã gólâ drí rĩꞌá lãfálé lâ êdélé ꞌdĩ ꞌbá yî ꞌbãlé ĩyî ndrĩ ãyĩkõ ró, gõꞌdá kậyị Ôvârí drí tã ꞌbãzó ꞌẽꞌá ꞌẽlâ Ãbãrãyámã drí rî sĩ, gõꞌdá gólâ âꞌdô bê cé élêwálâ tã êdé ꞌbá ãkó rî, gólâ ꞌê íyíkâ tã íyíkâ trá drị -ãcê íyíkâ rî sĩ. 21 Gõꞌdá nĩ âkĩꞌá nĩ rî, Tã ꞌbãꞌbã Ôvârí kâ ꞌbãlé õjílã íyíkâ drí ꞌẽlé rî îzã tã gólâ Ôvârí drí ꞌbãlé ꞌẽꞌá ꞌẽlâ õjílã íyíkâ drí rî yî trá. ꞌéꞌẽ, âꞌdó kô ĩtí. Îcá kô õjílã mvá drí tã ꞌbãꞌbã Ôvârí kâ rî ꞌbá yî ꞌẽzó ndrĩ. ꞌdĩî kâ rî tí rî, õjílã îcá kô âꞌdólé tã mbị ꞌbá ró Ôvârí rî lị fị drị ꞌá lạ tị ꞌdĩ sĩ. Õzõ tí tã ꞌbãꞌbã Ôvârí kâ ꞌbãlé õjílã mvá drí ꞌẽlé rî ĩîcâ lédrẽ-lédrẽ ạ dũkũ ãkó fẽlé õjílã drí rî, tí âꞌdô õjílã ꞌbãꞌá âꞌdólé lédrẽ-lédrẽ ạ dũkũ ãkó rî bê tã ꞌbãꞌbã ꞌdî ꞌẽꞌẽ sĩ. 22 Gõꞌdá búkũ Ôvârí kâ âtâ trá kĩ, tã õnjí õjílã drí ꞌẽlé rî âꞌdô gólâ rî ꞌbãꞌá âꞌdólé rạ gị ị tã õnjí kâ ró, tãlâ gólĩyî ndrĩ îcá ĩyî kô tã ꞌbãꞌbã Ôvârí kâ ꞌbãlé gólĩyî drí ꞌẽlé rî yî ꞌẽlé ndrĩ. Gõꞌdá bê trá ĩtí rî, õrẽ gólĩyî Ôvârí drí tã lâ yî ꞌbãlé ꞌẽꞌá âfẽlâ gólĩyî tã lẽ ꞌbá trá yí ꞌá rî yî drí rî, gólâ âꞌdô gõꞌdá âfẽꞌá lâ cé õjílã gólĩyî tã lẽ ꞌbá trá Yésũ Krístõ ꞌá rî yî drí. 23 Ĩtí rî, drẽ ãkpã sịśị pávó tị njị ị rû drẽ kô ãmâ õjílã drí tã lẽzó Yésũ ꞌá rî, tã ꞌbãꞌbã Ôvârí drí fẽlé õjílã drí Músạ sĩ rî, rî nĩ ãmâ õjílã ômbélé âꞌdólé rạ gị ị ró, bũúũ cãlé kậyị gólâ Ôvârí drí lạ tị gólâ tã lẽlẽ kâ Yésũ Krístõ ꞌá rî âꞌdázó ãmâ drí rî ꞌá. 24 Ạ kû ró rî, tã ꞌbãꞌbã Ôvârí kâ fẽlé Músạ sĩ ꞌdî ꞌbá yî trá ãmâ drí lôkí ꞌbá ró ãmâ âjílí Yésũ ngálâ rî, tãlâ mã õlẽ ró tã bê Yésũ ꞌá õzõ Yésũ õtírĩ âcá rî, gõꞌdá mã âꞌdô ró bê tã mbị ꞌbá ró Ôvârí rî lị fị drị ꞌá tã lẽlẽ Yésũ Krístõ ꞌá rî sĩ. 25 Gõꞌdá ngbãângbânõ rî, Ôvârí âꞌdâ lạ tị trá ãmâ drí ngá pãzó, tã lẽlé ĩꞌdî Yésũ ꞌá. Ĩtí rî, îcá kô ãmâ drí tã ꞌbãꞌbã Ôvârí kâ Músạ sĩ ꞌdî ꞌbá yî ndrẽzó ãmâ drí lôkí ꞌbá ró. Tã gólâ õjílã drí âꞌdózó õjílã Ôvârí kâ ró lạ tị ãlô ꞌásĩ rî 26 Nĩ ndrê drẽ, lạ tị ãnî drí ndrĩ âꞌdózó õjílã Ôvârí kâ yî ró rî cé tã lẽlẽ ãníkâ Yésũ Krístõ ꞌá rî sĩ. 27 Kậyị gólâ ãnî îbábátízãzó ãnî drí ãnî nyãányâ âꞌdázó krístõ ꞌbá ró rî, ꞌdĩî nĩ âcâ trá kpãkã ãlô Yésũ bê. 28 Kpá ĩtí, ãnî ndrĩ nĩ âꞌdô trá õjílã Yésũ Krístõ kâ ró kpá lạ tị ãlô-ãlô ꞌdĩ ꞌásĩ. Lạ tị tã lẽlẽ kâ kó cé ĩꞌdî ãlô ꞌdĩ, õjílã Yúdạ yí kâ drí kpá ꞌbạ súrú ãzâ ꞌbá yî drí, gõꞌdá kpá gólĩyî ngá tãkó ró gõꞌdá kpá gólĩyî õjílã ãmbâ-ãmbâ ró rî ꞌbá yî drí, gõꞌdá kpá õkó ãgô bê rî ꞌbá yî drí ndrĩ. 29 ꞌdĩî kâ rî tí rî, õzõ ãnî gólĩyî ꞌbạ súrú ãzâ ꞌbá yí kâ ró rî ãꞌdô gõꞌdá trá ngá ãlô ró Yésũ Krístõ bê rî, ãnî gõꞌdá trá kpá Ãbãrãyámã rî ózõwá yî ĩꞌdî. Ĩtí rî, ãnî ndrĩ, nĩ âꞌdô kpá õrẽ gólâ Ôvârí drí tã lâ ꞌbãlé trá ꞌẽꞌá fẽlâ Ãbãrãyámã drí ózõwá lâ yí bê rî ûsúꞌá. 4 1 Nĩ ndrê drẽ, tã ãmákâ rî âꞌdâ-âꞌdâ lâ âꞌdô ꞌbãꞌá nyé õzõ ãgô gólâ ngá-tị dũû bê drã ꞌbá mvá lâ drí ꞌbãzó drẽ fínyáwá rî kâtí. Mvá lâ drí ꞌbãzó gõꞌdá nyé õzõ rạ gị ị kâtí. Gbõ lé ngá-tị dũû ãmbá átá lâ kâ ꞌdĩ âꞌdô âꞌdóꞌá gólâkâ ĩꞌdî rî. 2 Gõꞌdá gólâ âꞌdô bê drẽ ꞌdĩyímvá ró rî, gólâ rî drẽ zãâ õjílã ãzâ drịǵạ. Õjílã rî ꞌdĩ drí kpá rĩzó ngá gólâkâ ꞌdĩ ꞌbá yî vó lâ ndrẽlé nĩ ĩtíí bũúũ gólâ drí mbãzó ạńgị, gõꞌdá kậyị átá lâ drí njĩlí trá ạ kû ró ngá ꞌdĩ ꞌbá yî fẽzó gólâkâ ró drílâ vó lâ ndrẽlé nĩ rî drí âcázó. 3 Gõꞌdá ãmákâ rî kpá ĩtí. Drẽ sịśị ãmâ drí Yésũ Krístõ rî nị zó kô rî, ãmâ drẽ nyé õzõ ꞌdĩyímvá fínyáwá rî ꞌbá yí kâtí. Lãꞌbí ãmâ drí ꞌẽlé trá ãmâ pãzó rî ꞌbá yî ômbê ãmâ trá nyé õzõ rạ gị ị kâtí. 4 Ĩtí rî, gõꞌdá kậyị gólâ Ôvârí drí njĩlí rî ꞌá, gólâ drí gõzó íyî mvá rî âjólé ãngó nõ ꞌá nõngá. Õkó drí gólâ rî tị zó õjílã mvá tị rị kâtí ꞌbạ súrú Yúdạ yí kâ ꞌá rĩlí tã ꞌbãꞌbã Músạ kâ zẽlé. 5 Ôvârí âjô íyî mvá Yésũ Krístõ ãngó nõ ꞌá nõngá nõ, tãlâ gólâ ãânĩ ró bê ãmâ gólĩyî ãngó nõ ꞌá rĩ ꞌbá mbârâkã tã ꞌbãꞌbã kâ zẽlé nõ înjílí rĩlí drị -bạĺạýị ró mbârâkã tã ꞌbãꞌbã kâ ꞌásĩ, gõꞌdá mã ũûsû ró ngá gólĩyî ãmâ átá Ôvârí drí tã lâ ꞌbãlé trá ꞌẽꞌá ꞌẽlâ ãmâ drí rî bê gólâ rî mvá yî ró. 6 Ĩtí rî, tãlâ nĩ âꞌdô bê gõꞌdá trá Ôvârí rî mvá yî ĩꞌdî rî, gõꞌdá Ôvârí drí Líndrí Tãndí íyî mvá kâ âfẽzó ânĩlí rĩlí ãnî pị pịŝịĺị ꞌá ꞌdĩ. Líndrí Tãndí mvá lâ kâ ꞌdĩ drí gõzó rĩꞌá tã âtálé ãmâ tị sĩ mã õtírĩ rĩî rãtáã ꞌẽlé rî, ĩꞌdî gõꞌdá ãmâ drí rĩzó Ôvârí rî zị lị Tátá, gõꞌdá kpá ãmâ átá. 7 Bê trá ĩtí rî, nĩ âꞌdó gõꞌdá kô zãâ rạ gị ị ꞌî. Ãnî gõꞌdá trá ngbãângbânõ Ôvârí rî mvá yî ĩꞌdî. Tã ꞌdî kâ rî tí rî, ngá tíbê gólâ drí ꞌẽꞌá fẽlâ íyî mvá yî drí rî, gólâ âꞌdô kpá fẽꞌá lâ ãnî drí. Tã gólâ Póõlõ drí tã âtázó krístõ ꞌbá Gãlãtíyã kâ rî ꞌbá yî drí gólĩyî õgõ ró ĩyî tã mbị ꞌẽlé ĩꞌdî rî 8 Ạ kû ró, drẽ sịśị ãnî drí drẽ Ôvârí pạ tị ị rî nị zó kô rî, ãnî trá ndrĩ ꞌdó rạ gị ị ôvârí ãníkâ rî ꞌbá yí kâ ĩꞌdî, tíbê âꞌdô-âꞌdô lâ yî drí âꞌdólé kô ꞌẽꞌá ị njị lâ ĩyî Ôvârí pạ tị ị ró rî. 9 Gõꞌdá ngbãângbânõ rî, nĩ nị gõꞌdá trá tãndí ró Ôvârí pạ tị ị rî ĩꞌdî ãnî átá ró. Gõꞌdá tã ãmbá rî rĩꞌá nõtí. Ôvârí gõ nị ãnî trá ĩꞌdî íyî mvá yî ró. Gõꞌdá ĩtí rî, tãlâ ãꞌdô ꞌî ãnî drí kpá ꞌẽzó gõlé óꞌdí âꞌdólé rạ gị ị ôvârí ꞌdĩ ꞌbá yí kâ ró yã? 10 Tãlâ ãꞌdô ꞌî ãnî drí kpá ꞌẽzó ãnî nyãányâ fẽlé kpá óꞌdí rĩꞌá lãꞌbí gólĩyíkâ rĩꞌá ꞌẽlâ Ndrô ꞌdĩ ꞌbá yî rĩꞌá kámá-sû-drị -lâ-ngâ-nyâꞌdî-ãlô-drị -lâ-ngâ-mûdrị.

5 Gãlãtíyã lé ꞌbá kãrámã kậyị lânjã kâ sĩ kãrámã párá lânjã kâ bê gõꞌdá kpá kãrámã ndrô lânjã kâ bê yã? Tã ꞌdî ꞌbá yî sû trá Ôvârí rú yã? 11 Mâ rĩꞌá tã ịŝũ ró tã ãníkâ ꞌẽlé ꞌdĩ ꞌá! Mâ tã ịŝũ ró, tãlâ lôsĩ ámákâ ꞌẽlé ãnî lãfálé ꞌá ꞌdĩ õzó kô ꞌbãâ tãkó ĩtí. 12 Ámâ ậdrúpị yî ámâ îzó yí bê, má lôꞌbã rúꞌbạ ãnî rú, nĩ ꞌê tã gólâ má drí ꞌẽlé rî ĩꞌdî, tãlâ sịśị rî, mâ kpá ãnî tí ĩtí. Sịśị lâ sĩ, nĩ ꞌé tã ãzâ õnjí lâ kô má drí. 13 Nĩ nị trá tãndí ró kĩ, sịśị má õtírĩ nĩî tã âtî-âtî tãndí Ôvârí kâ nõ pẽlé ãnî drí tólâ rî, ngá lãzé ꞌê mâ nĩ. Tã ꞌdî ꞌbã mâ trá rĩlí zãâ tã Ôvârí kâ ꞌdĩ pẽlé võ ãníkâ nã ꞌá tólâ. 14 Kậyị nã ꞌbá yî ꞌá rî, ngá lãzé ámákâ nã âꞌdô trá ngá lậnjị ró ãnî drí njị lị. Gõꞌdá tã ꞌdî ꞌbá yî ꞌásĩ ndrĩ rî, nĩ gãá mâ kô dó. Nĩ lậgû mâ trá õzõ ãnî drí mãlãyíkã Ôvârí kâ lậgúrị ngãtá Yésũ Krístõ rî gógó nyãányâ lâ lậgúrị kâtí. 15 Sịśị rî, ãnî trá ãyĩkõ ró má bê. Gõꞌdá ãꞌdô ꞌbã ãnî nĩ tã ịŝũ ãníkâ jãlé yã? Má nị trá, sịśị rî, tí óõró ãnî îjí kĩ, nĩ ângî ãnî lị fị âfẽlé má drí ꞌbãlé ámákâ rî võ lâ ꞌá rî, tí nĩ ângî ãnî lị fị nõ trá âfẽlé má drí. 16 Tã âtî-âtî pạ tị ị má drí pẽlé ãnî drí ꞌdĩ ꞌbã ãnî gõꞌdá ámâ ndrẽlé ạ jú-ꞌbá-ãzí ãníkâ ró ãꞌdô tãsĩ yã? 17 Gõꞌdá tã îmbá ꞌbá ãzâ ꞌbá yî ĩyíkâ rĩꞌá tã tãndí âtálé ãnî drí ãnî âdólé sẽlé tã lẽlé tã âtî-âtî ányâ gólĩyíkâ ꞌá. Gólĩyî lẽé kô tã tãndí drí âꞌdólé ãnî drí. Gólĩyî lẽ ãnî lãfá cãlé ãmâ rú sĩ, tãlâ nĩ õlẽ ró tã bê cé tã îmbâ ányâ ĩyíkâ ꞌdĩ ꞌá ĩꞌdî. 18 Âꞌdô ꞌbãꞌá tãndí ró õjílã drí ãnî lẽzó pạ tị ị ró kárá, kậyị vósĩ cé, âꞌdó kô cé kậyị má drí ꞌbãzó ãní bê rî ꞌá. 19 Ámâ mvá yî, pạ tị ị ró, má lẽ ãnî rõô, gõꞌdá má õtírĩ tã kĩ ꞌbá nĩ, nĩ rî tã lẽlé õnjõ tã îmbá ꞌbá ꞌdĩ ꞌbá yí kâ rî ꞌá rî ârí rî, tã lâ lâzê trá má rú rõô, nyé õzõ mvá lâzé ꞌbá õkó ꞌá tị rị lâ ꞌá rî kâtí. Tã ꞌdî âꞌdô lâzéꞌá má rú ĩtí bũúũ má drí ndrẽzó lâ kĩ, nĩ âyê õnjõ ꞌdî ꞌbá yî trá tã Yésũ Krístõ kâ ậtịĺị gạ drị rị sĩ. 20 Pạ tị ị ró, má lẽ trá nĩlí tólâ rĩlí ãní bê ngbãângbânõ. Tí õzõ má õrî trá ãní bê tã ꞌdî ị ꞌbị lị ãní bê ĩtí rî, tí má âꞌdô îcáꞌá tã ịŝũ ámákâ âꞌdálé ãnî drí mãnísĩ ãnî drí ârílí dódó. Gõꞌdá ngbãângbânõ, mâ rĩꞌá tã ịŝũ bê ãnî tãsĩ. Úlị mãnĩgõ Hãgárã yî tãsĩ Sárã bê rî 21 Ãnî gólĩyî lẽ ꞌbá rĩlí tã ꞌbãꞌbã Músạ kâ zẽlé ãꞌdô ró bê ngá pãpã ûsúzó tã ꞌdî ꞌbá yî ꞌẽꞌẽ lâ sĩ rî, nĩ ârî drẽ úlị gólâ îgĩlí búkũ Ôvârí kâ ꞌá nõ. 22 Íîgĩ trá ꞌá lâ kĩ, Ãbãrãyámã ãâꞌdô trá rĩꞌá mvá ágó bê rị, ãlô rî Ĩsĩmélẽ õkó gólâ rạ gị ị ró rú bê Hãgárã rî drí tị lị rî, gõꞌdá mvá ágó ãzâ rú bê Ĩsákã õkó rú bê Sárã gólâ âꞌdó ꞌbá kô rạ gị ị ró rî drí tị lị rî. 23 Mvá ágó gólâ õkó rạ gị ị ró rî drí tị lị rî, útị íyíkâ trá nyé õzõ õjílã mvá drí kó rĩrĩ mvá tị lị rî kâtí. Gõꞌdá mvá ágó gólâ õkó gólâ âꞌdó ꞌbá kô rạ gị ị ró rî drí tị lị rî, útị íyíkâ mbârâkã Ôvârí kâ sĩ, tã ꞌbãꞌbã gólâ Ôvârí drí ꞌbãlé trá ꞌẽꞌá ꞌẽlâ Ãbãrãyámã drí rî vó ró Tã õkó gólĩyî rị ꞌdî ꞌbá yí kâ trá úlị mãnĩgõ ꞌî tã îmbálé ãmâ drí. Tã õkó rị ꞌdî ꞌbá yí kâ rî, rî tã gólâ tã-drị lẽlẽ Ôvârí kâ ꞌbãlé trá õjílã íyíkâ drí rị rî ꞌbá yî âꞌdálé ĩꞌdî. Tã-drị lẽlẽ sịśị rĩꞌá tã-drị lẽlẽ tã ꞌbãꞌbã kâ Ôvârí drí ꞌbãlé Músạ sĩ rî gõꞌdá rị lâ rĩꞌá tã-drị lẽlẽ tã gólâ drí ꞌbãlé trá ꞌẽꞌá ꞌẽlâ Ãbãrãyámã drí rî ꞌbá yí kâ. Õkó rạ gị ị ró rú bê Hãgárã gólâ mvá tị ꞌbá ꞌdó rạ gị ị ró rî, rî ꞌdĩ lãmbé tã-drị lẽlẽ gólâ Ôvârí drí tã ꞌbãꞌbã íyíkâ âfẽzó õjílã íyíkâ Ĩsĩrãꞌélẽ kâ drí únị zị lị Sĩnáyĩ ꞌbạ drị Sãwõdíyã kâ rî ꞌá rî drị ị rî âꞌdáꞌá. Gõꞌdá Hãgárã ꞌdĩ rî kpá Yẽrõsãlémã gólâ ãngó nõ kâ nõ âꞌdálé, tãlâ õjílã Yẽrõsãlémã ꞌdĩ kâ rĩꞌá ĩyî ꞌdó rạ gị ị tã ꞌbãꞌbã Músạ kâ rî kâ ĩꞌdî. 26 Gõꞌdá ãmâ rĩꞌá nyé õzõ Sárã rî mvá kâtí tã-drị lẽlẽ rị lâ ꞌdĩ zẽlé. Sárã ꞌdĩ rî kpá ãmâ gólĩyî Yẽrõsãlémã óꞌdí ûrú ꞌálâ rî lé ꞌbá ró rî ꞌbá yî âꞌdálé. Mã âꞌdó kô rạ gị ị ꞌî ngá ãzãkã gólĩyî âꞌdó ꞌbá bê ãngó nõ ꞌá nõ ꞌbá yî drí. Ãmâ rĩꞌá drị -bạĺạýị ró õjílã Ôvârí kâ ꞌî. 27 Tã îgĩ Ôvârí kâ âꞌdâ trá ãmâ drí kĩ, Nî õkó gólâ óndó ró nõ, ní âꞌdô ãyĩkõ bê. Nî gólâ mvá tị tị lãzé-lãzé ôtójõ ꞌbá kó kô nõ, ní ôtrê ãyĩkõ sĩ, tãlâ ánî mvá yî âꞌdô lîzóꞌá dũû gạ rạ õkó gólĩyî ágó drịǵạ mvá bê ꞌdĩ ꞌbá yî drị ị sĩ. 9 Ĩsáyã Ámâ ậdrúpị yî ámâ îzó yí bê, ãnî rĩꞌá mvá gólĩyî tị lị mbârâkã Ôvârí kâ sĩ õzõ Ĩsákã rî tị rị kâtí, tã gólâ Ôvârí drí ꞌbãlé trá ꞌẽꞌá ꞌẽlâ Ãbãrãyámã drí rî vó ró. 29 Kậyị ꞌdĩyímvá Ãbãrãyámã kâ rị ꞌdî ꞌbá yî drí âꞌdózó drẽ ꞌdĩyímvá ró rî, mvá gólâ tị lị lạ tị gólâ kó õjílã mvá drí rĩzó mvá tị lị rî ꞌásĩ rî, fẽ lâŋõ trá rõô mvá gólâ tị lị mbârâkã Ôvârí kâ sĩ rî drí. Tã gólâ ꞌdĩ âcâ trá tã pạ tị ị ró kpá ãndrõ nô. Õjílã gólĩyî tị lị trá Ãbãrãyámã rî ózõwá ró gólĩyî tã lẽ ꞌbá trá tã ꞌbãꞌbã Ôvârí kâ ị njị -ị njị lâ ꞌá rî ꞌbá yî, gólĩyî rî trá lâŋõ fẽlé ãmâ gólĩyî âꞌdó ꞌbá tã lẽ ꞌbá ró Yésũ ꞌá mbârâkã Ôvârí kâ rî sĩ rî drí Ĩtí rî, úlị Ôvârí kâ rî âtâ ãꞌdô tã ꞌî tã ꞌdî tãsĩ yã? Úlị Ôvârí kâ kĩ, Ní drô õkó gólâ rạ gị ị ró ꞌdĩ vólé mvá lâ ꞌdĩ bê. Tãlâ mvá ágó õkó gólâ rạ gị ị ró rî drí tị lị ꞌdĩ îcá kó kô drị -vó gólâ ꞌẽ ꞌbá âꞌdólé mvá ágó õkó gólâ âꞌdó ꞌbá kô rạ gị ị ró rî kâ drí rî trõlé Ĩtí rî, ámâ ậdrúpị yî ámâ îzó yí bê, ãmâ gõꞌdá trá ꞌdĩyímvá õkó gólâ âꞌdó ꞌbá kô rạ gị ị ró rî kâ ĩꞌdî. Gõꞌdá kpá ĩtí rî, mã âꞌdó gõꞌdá kô rạ gị ị ꞌî tã ꞌbãꞌbã ạ kû ꞌdĩ ꞌbá yî zẽlé. Tã kĩꞌá nĩ, mã ũnjû gạǵạ drị -bạĺạýị ãmákâ Yésũ drí fẽlé rî rú rî 5 1 Yésũ Krístõ tĩ ãmâ drị trá, mã õrî ró bê drị -bạĺạýị ró ngá lậnjị tã ꞌbãꞌbã kâ ꞌásĩ. Âꞌdô bê gõꞌdá trá ĩtí rî, ꞌdõvó mã njû gạǵạ drị -bạĺạýị ãmákâ Yésũ drí âfẽlé ꞌdĩ rú, gõꞌdá mã âyê ãmâ nyãányâ kô tã ꞌbãꞌbã Yúdạ yí kâ ꞌdĩ ꞌbá yî drí ãmâ ꞌbãzó rạ gị ị ró kpá óꞌdí. 2 Nĩ ârî drẽ, mâ Póõlõ, má âtâ ãnî drí nõtí, õzõ nĩ ãâyê ãnî nyãányâ trá ꞌdẽlé bãsã ꞌá ngá pãpã ûsúzó rî, ꞌdĩî gõꞌdá drãdrã Yésũ Krístõ kâ fê lậlị -lậlị drị ị rî âꞌdô trá ngá tãkó ró ãnî drí. 3 Má âꞌdâ tã ãnî drí kpá óꞌdí, õzõ má drí âꞌdárẽ lâ trá sịśị ãnî drí kâtí kĩꞌá nĩ rî, õjílã gólâ íyî nyãányâ âyé ꞌbá trá ꞌdẽlé bãsã ꞌá ngá pãpã ûsúzó rî, ꞌdĩî õjílã rî ꞌdĩ ꞌbã íyî nyãányâ trá tã ꞌbãꞌbã Yúdạ yí kâ ꞌdĩ ꞌbá yî ị njị lị, gõꞌdá îcá trá gólâ drí tã ꞌbãꞌbã ꞌdî ꞌbá yî ꞌẽlé ndrĩ ãkí ãkó. 4 Ãnî õjílã gólĩyî ꞌẽ ꞌbá ãnî ꞌbãlé Ôvârí drí ndrẽlé tã mbị ꞌbá ró tã ꞌbãꞌbã ị njị -ị njị sĩ ꞌdî rî, nĩ kî ãnî lãfálé trá vólé Yésũ Krístõ rú sĩ. Nĩ gã pị pịŝịĺị Úlị ꞌdĩ ꞌbá yî ífí lâ kĩ, õjílã tã lẽ ꞌbá Yésũ ꞌá rî yî âꞌdô lîzóꞌá âꞌdólé gạ rạ gólĩyî ĩyíkâ rĩ ꞌbá tã ꞌbãꞌbã ị njị lị ĩꞌdî ngá pãzó rî yî drị ị sĩ Úlị nõ ꞌbá yî tã ífí lâ kĩ, õjílã Yúdạ yí kâ rĩꞌá ĩyî lâŋõ fẽꞌá krístõ ꞌbá yî drí Tã Ómvó Ngá 21.10

6 6 Gãlãtíyã lé ꞌbá 5 6 tãndĩ gólâkâ ãmâ pãzó rî trá dó. 5 Gõꞌdá ãmákâ rî, mã lẽ ãmákâ tã trá Yésũ Krístõ ꞌá pị pịŝịĺị ãlô sĩ. Tã ꞌdî kâ rî tí rî, Líndrí Tãndí Ôvârí kâ ꞌbã ãmâ trá lị fị ꞌbãlé kĩ, ãmâ trá tã mbị ꞌbá ꞌî Ôvârí rî lị fị drị ꞌá tã lẽlẽ ãmákâ ꞌdĩ sĩ. 6 Tãlâ ãmâ gólĩyî âꞌdó ꞌbá trá ãlô Yésũ Krístõ bê nõ ꞌbá yî rî, ngãtá mã ꞌdê trá bãsã ꞌá ngãtá mã ꞌdé kô yã rî, Ôvârí ndrê ãmâ ndrĩ ꞌdó ngá ãlô ró yí lị fị õjílã íyíkâ ró. Ôvârí drí rî, ngá tã lâ drí ꞌbãlé gạ rạ rî cé tã lẽlẽ ĩꞌdî Yésũ Krístõ ꞌá. Gõꞌdá ꞌdĩî âꞌdô kpá ãmâ ꞌbãꞌá ãmâ ãzí-ãzí yî lẽlé. 7 Ĩtí rî, drẽ ãkpã sịśị rî, nĩ rî trá lôsĩ Yésũ kâ ꞌẽlé dódó. Gõꞌdá ãꞌdî âdô ãnî nĩ ãnî drí gõzó vólé gãlé dó tã pạ tị ị Yésũ kâ ꞌẽlé rî yã? 8 Ôvârí gólâ ãnî ậzị ꞌbá Yésũ Krístõ ngálâ rî lẽé kô ãnî drí tã ꞌdî ꞌẽlé. Tã ꞌdî âꞌdó kô tã gólâkâ ĩꞌdî. 9 Tã îmbâ ányâ rĩꞌá nyé õzõ ngá ãŋâ kâtí. Ngá ãŋâ rĩ ꞌbá ngá ãzâ ꞌbá yî lãfálé ꞌá võ ãlô ꞌá rî âꞌdô ngá ꞌdĩ ꞌbá yî ꞌbãꞌá ꞌdó ŋãlé. 10 Gõꞌdá má nị trá tãndí ró tã lẽlẽ ãníkâ Yésũ ꞌá rî sĩ rî, nĩ âꞌdô úlị gólâ má drí âtálé ãnî drí nõ tã-drị lâ lẽꞌá. Gõꞌdá õjílã gólâ rĩ ꞌbá ãnî drị îzãlé ꞌdĩ, Ôvârí âꞌdô lâŋõ fẽꞌá gólâ drí, ngãtá gólâ ãꞌdî ĩꞌdî yã rî. 11 Ámâ ậdrúpị yî ámâ îzó yí bê, áâdô ãnî trá õnjõ sĩ tã îmbâ ámákâ tãsĩ. Tí õzõ gõꞌdá má õrî kpá zãâ rĩꞌá tã pẽlé kĩꞌá nĩ rî ꞌdẽꞌdẽ bãsã ꞌá rî ãâꞌdô tãndí ró Ôvârí drí ãmâ ndrẽzó tã mbị ꞌbá ró íyî lị fị drị ꞌá rî, gõꞌdá Yúdạ yî rî ĩyî lâŋõ fẽlé má drí ãꞌdô tãsĩ yã? Tã gólĩyî drí ꞌbãzó õmbã ró rî rĩꞌá tã má drí îmbálé kĩ, cé õdrã Yésũ kâ rî ĩꞌdî gólâ îcá ꞌbá õjílã pãlé tã õnjí gólâkâ ꞌásĩ rî. 12 Õjílã gólĩyî rĩ ꞌbá ĩyî tã sõlé ãnî ꞌá ꞌdẽlé bãsã ꞌá ꞌdĩ ꞌbá yî, má ịŝũ tã tíkó gólĩyî õnĩ nĩꞌá ĩyî ŋõlé vólé, tãlâ gólĩyî õrî ró ꞌbáŋá ró. Tã ãmâ drí rĩzó zãâ tã Líndrí Tãndí Ôvârí kâ rî kâ ꞌẽlé ĩꞌdî rî 13 Ámâ ậdrúpị yî ámâ îzó yí bê, Ôvârí ậzị ãnî trá âꞌdólé drị -bạĺạýị ró tã ꞌbãꞌbã ꞌẽꞌẽ tãsĩ. Gõꞌdá drị -bạĺạýị rî ꞌdĩ, tã ífí lâ âꞌdó kô ãnî drí ãnî âyélé ngá gólĩyî ãnî rúꞌbạ drí lôvó lâ ꞌbãlé âꞌdó ꞌbá tã õnjí ró rî yî ꞌẽzó. Nĩ ị ꞌbũ rû bê-rî ĩꞌdî ãnî ãzí-ãzí yî drí lõvõ sĩ. 14 Má âtâ tã ꞌdî ĩtí ꞌdĩ rî, tãlâ tã ꞌbãꞌbã Ôvârí kâ ólôgõ trá ndrĩ ꞌdó ãlô tã ꞌbãꞌbã gólâ tã âtá ꞌbá kĩꞌá nĩ rî, Ní lẽ õjílã ãzí õzõ ní drí ánî nyãányâ lẽrẽ kâtí Ĩtí rî, õzõ gõꞌdá nĩ õrî ãnî tị ôcílí ãnî võ ꞌásĩ ãnî îzãlé rî, nĩ âyê tã rî gógó ĩtí ꞌdĩ vólé, tãlâ nĩ õzó kô ãnî ãzí-ãzí yî ûfú. 16 Tã rî ꞌdĩ tãsĩ rî, má âtâ ãnî drí, nĩ rî lạ tị gólâ Líndrí Tãndí Ôvârí kâ drí âꞌdálé trá ãnî drí rî ꞌásĩ. Õzõ nĩ õꞌê trá tã gólâ Líndrí Tãndí Ôvârí kâ drí âꞌdálé trá ãnî drí rî yî ĩꞌdî rî, ꞌdĩî nĩ îcá gõꞌdá ngá gólĩyî ãnî rúꞌbạ drí lẽlé rî ꞌẽlé kô, tíbê ꞌẽ ꞌbá ãnî âjílí tã õnjí ꞌá rî. 17 Má âtâ tã ꞌdî ĩtí ꞌdĩ rî, tãlâ tã lôvó ãmâ rúꞌbạ kâ rî lẽ ĩyíkâ zãâ tã gólĩyî Líndrí Tãndí Ôvârí kâ drí lẽlé kô rî ꞌbá yî ꞌẽlé ĩꞌdî. Gõꞌdá Líndrí Tãndí Ôvârí kâ lẽ ãmâ drí kpá tã gólĩyî tã lôvó ãmâ rúꞌbạ kâ drí lẽlé kô rî ꞌẽlé ĩꞌdî. Líndrí Tãndí Ôvârí kâ gõꞌdá tã lôvó ãmâ rúꞌbạ kâ rî bê rî, rî ĩyî ị tú vósĩ cé rû fũlị. Ĩtí rî, gólĩyî lẽé ĩyî rû kô, gólĩyî ạ jú-ꞌbá-ãzí ꞌî. Tãlâ ĩꞌdî ꞌdĩ, ãmâ drí îcázó tã gólĩyî ãmâ drí lẽlé ꞌẽlâ rî ꞌẽlé kô ꞌdĩ cú ĩtí mbârâkã ãmákâ sĩ. 18 Gõꞌdá õzõ nĩ õrî tã Líndrí Tãndí Ôvârí kâ drí âꞌdálé ãnî drí rî ꞌẽlé rî, nĩ âꞌdô rĩꞌá tã mbị ꞌẽlé, gõꞌdá tã ꞌbãꞌbã Músạ kâ îcá kô ãnî ômbélé õzõ rạ gị ị kâtí. 19 Ĩtí rî, ãmâ ndrĩ mã nị trá tãndí ró tã õnjí gólĩyî tã lôvó ãmâ rúꞌbạ kâ drí ãmâ ꞌbãlé ꞌẽlâ rî, gólĩyî ĩꞌdî nõ ꞌbá yî: ậꞌdú kõkõ õkó ngãtá ãgô âꞌdó ꞌbá kô ãnî õkó ró ngãtá ágó ró kô rî bê rî, ngá gólĩyî õnjí ró ãnyĩ âjí ꞌbá rî yî ꞌẽꞌẽ lâ, ãvẽ ngãtá ngá gólĩyî tã lôvó rúꞌbạ kâ drí lẽlé sũ ꞌbá kô rî yî, ôvârí ãbãrãdãgõ îrátã-îrátã õzõ pãrãndã tị rî kâtí, bêngê gõꞌdá mõndrã fẽfẽ, pị pịŝịĺị ꞌbãꞌbã õjílã ãzí rú, rû fũfũ ngãtá ạ wạ ꞌẽꞌẽ õjílã ãzí bê, pị pịŝịĺị ꞌbãꞌbã ngãtá âgî-âgî ngá õjílã ãzí kâ rú, õjílã ãzí ꞌbãꞌbã gạ rạ õjílã ãzâ ꞌbá yî drị ị sĩ, lãfá cãcã õjílã gólĩyî ãnî lẽ ꞌbá rî yî êpẽzó ĩꞌdî rî, ꞌdíyî fũfũ õdrá sĩ, kãrámã gólĩyî õdrá drí ꞌdíyî ꞌbãzó rĩꞌá tã õnjî-õnjî ãnyĩ kâ ꞌẽlé rî ꞌẽꞌẽ lâ, gõꞌdá tã gólĩyî ndrĩ sũ ꞌbá kô rî ꞌbá yî ꞌẽꞌẽ lâ. Má sõ drị -mbílí ãnî lị fị kpá óꞌdí, õzõ má drí ꞌẽlé trá sịśị rî kâtí, õjílã gólĩyî rĩ ꞌbá zãâ tã õnjí gólĩyî lãlé ꞌdĩ ꞌbá yî ꞌẽlé rî îcá ĩyî kô cãlé ãngó Ôvârí kâ ûrú ꞌálâ rî ꞌá. 22 Gõꞌdá tã gólĩyî Líndrí Tãndí Ôvârí kâ drí ãmâ ꞌbãlé ꞌẽlâ rî yî kpá ngĩî, gólĩyî ĩꞌdî nõ ꞌbá yî: õjílã ãzí lẽlẽ, âꞌdólé ãyĩkõ bê ãmâ pị pịŝịĺị ꞌá, rĩlí tã ạ ꞌdị sĩ, rĩlí fĩî ậtũ-ậtũ sĩ, rĩlí õjílã bê tãndí ró, tã tãndí ꞌẽꞌẽ sĩ, rĩlí zãâ tã lẽlẽ sĩ Ôvârí ꞌá, 23 tã ꞌẽꞌẽ mãnísĩ rî, gõꞌdá tã trõ ꞌbá ró lôvó rúꞌbạ kâ drịǵạ sĩ. Tã ꞌbãꞌbã ãzâ yûꞌdạẃạ gạ rạ ꞌdî ꞌbá yî drị ị sĩ ãmâ êdrẽlé tã tãndí ꞌdî ꞌbá yî ꞌẽlé ndrĩ. 24 Ĩtí rî, ãmâ gólĩyî tíbê âꞌdó ꞌbá trá õjílã Yésũ Krístõ kâ ró nõ ꞌbá yî, mã gã gõꞌdá tã lôvó rúꞌbạ kâ tíbê rĩ ꞌbá ãmâ ꞌbãlé tã õnjí ꞌẽlé rî yî trá ndrĩ ꞌdó. Tã lôvó ꞌdĩ ꞌbá yî rĩꞌá õzõ ãvõ kâtí mbârâkã ãkó ãmâ ꞌbãlé tã õnjí ꞌẽlé. 25 Gõꞌdá Líndrí Tãndí Ôvârí kâ rî bê trá nĩ ãmâ ꞌbãlé rĩlí õzõ õjílã Ôvârí kâ drí rĩrĩ rĩlí rî kâtí rî, ꞌdõvó mã ãâyê ãmâ nyãányâ nyé gólâ drịǵạ tã ꞌẽꞌẽ ãmákâ rî ꞌbá yî ꞌásĩ ndrĩ gólâ õꞌdê ró nĩ sịśị ãmâ drí. 26 Mã ꞌbã ãmâ nyãányâ kô âꞌdólé gạ rạ ãmâ ãzí-ãzí yî drị ị sĩ, tãlâ ꞌdĩî rî âꞌdô pị pịŝịĺị õnjí gõꞌdá rû lẽ ãkõ bê âjíꞌá ãmâ lãfálé ꞌásĩ. Tã gólâ tã tãndí ꞌẽzó ãnî ãzí-ãzí yî drí ĩꞌdî rî 6 1 Ámâ ậdrúpị yî ámâ îzó yí bê, õzõ nĩ õndrê ãnî ãzí-ãzí krístõ ꞌbá ró rî ꞌbá yî trá tã õnjí ꞌẽꞌá rî, ãnî gólĩyî rĩ ꞌbá tã gólĩyî Líndrí Tãndí Ôvârí kâ drí rĩꞌá âꞌdálâ nĩ rî ꞌbá yî ꞌẽlé ĩꞌdî rî, nĩ ânĩ tã lôgõlé ãnî ãzí-ãzí ꞌdĩ ꞌbá yî drị ị gõꞌdá lạ tị mbị rî âꞌdázó ĩꞌdî gólĩyî drí mãnísĩ pị pịŝịĺị ạ ꞌdị sĩ. Ĩtí rî, nĩ âꞌdô trá lạ tị tãndí rî ꞌdĩ âꞌdáꞌá gólĩyî drí rî, gõꞌdá nĩ ndrê ãnî vó kpá tãndí ró, nĩ õzó gõꞌdá kpá tã õnjí ꞌẽê kô. 2 Ĩtí rî, ãnî ndrĩ, nĩ pâ ãnî ãzí-ãzí yî lâŋõ gólĩyî drí âꞌdózó ĩꞌdí bê lâ rî ꞌbá yî ꞌásĩ. Õzõ nĩ õꞌê trá ĩtí rî, ꞌdĩî ãnî trá tã gólĩyî Krístõ drí ꞌbãlé ãnî drí ꞌẽlé rî yî ꞌẽꞌá. 3 Õzõ õjílã ãzâ õꞌbã yî trá âꞌdólé gạ rạ íyî ãzí-ãzí yî drị ị sĩ rî, gólâ rî ꞌdĩ rî íyî nyãányâ âdóꞌá, tãlâ gólâ cé rĩꞌá ngá tãkó ꞌî. 4 Ĩtí rî, ãnî ãlô-ãlô ndrĩ, nĩ ịŝũ drẽ tã gólĩyî ãnî nyãányâ drí rĩꞌá ꞌẽlâ rî ꞌbá yî tã lâ ndrĩ, gõꞌdá õzõ tã ndrĩ ãnî drí rĩꞌá ꞌẽlâ rî ꞌbá yî ãꞌdô trá ndrĩ tãndí ró rî, nĩ âꞌdô îcáꞌá âꞌdólé ãyĩkõ ró tã tãndí ãníkâ ꞌdĩ ꞌbá yî tãsĩ, cú ĩtí ãnî ị ꞌbị ãkó tã ꞌẽꞌẽ õjílã ãzâ kâ bê. 5 Ãnî ãlô-ãlô, tã ãníkâ ꞌdĩ õndrê ãnî ĩꞌdî Lạ vị ꞌbá yî 19.18

7 Gãlãtíyã lé ꞌbá Gõꞌdá ãnî gólĩyî tíbê îmbálé trá tã Ôvârí kâ sĩ rî ꞌbá yî, nĩ pâ tã îmbá ꞌbá ãníkâ gólĩyî rĩ ꞌbá ãnî îmbálé rî ngá ãnî drịǵạ rî ꞌbá yî sĩ. 7 Nĩ âdô ãnî nyãányâ kô, tãlâ õjílã ãzâ yûꞌdạẃạ ꞌẽ ꞌbá ꞌdásí ꞌẽlé Ôvârí rú. Õjílã âꞌdô ĩyíkâ kpá té ngá gólĩyî drí ị ꞌdịĺị rî lõꞌwâ lâ êꞌbéꞌá ĩꞌdî ꞌbãlé ĩyî drí ẽró ꞌá. 8 Õzõ gõꞌdá õjílã õrî cé tã gólĩyî õnjî-õnjî tã lôvó rúꞌbạ kâ drí lẽlé rî yî ꞌẽlé ĩꞌdî, ãꞌdô ró bê íyíkâ cé tã lôvó rúꞌbạ kâ îcázó ĩꞌdî rî, gólâ âꞌdô íyíkâ õdrã lâŋõ ạ dũkũ ãkó rî bê rî ûsúꞌá ĩꞌdî lõꞌwâ lôsĩ íyíkâ ꞌẽlé ꞌdĩ kâ ró. Gõꞌdá õzõ gólâ õꞌê tã gólĩyî Líndrí Tãndí Ôvârí kâ rî ꞌbã ꞌbá ãyĩkõ ró rî yî ĩꞌdî rî, gólâ âꞌdô kpá lédrẽ-lédrẽ ạ dũkũ ãkó rî ûsúꞌá Líndrí Tãndí Ôvârí kâ drịǵạ sĩ ĩꞌdî lõꞌwâ lôsĩ íyíkâ ꞌẽlé ꞌdĩ kâ ró. 9 Âꞌdô gõꞌdá bê trá ĩtí rî, lâŋõ tã tãndí ꞌẽ kâ õꞌê ãmâ kô, tãlâ õzõ lâŋõ tã tãndí ꞌẽ kâ õꞌê gõꞌdá ãmâ kô rî, mã âꞌdô tã tãndí ûsúꞌá rõô Ôvârí drịǵạ sĩ kậyị gólâ drí njĩlí trá Yésũ rî âjózó âgõlé rî ꞌá. 10 Õzõ ãꞌdô gõꞌdá trá ĩtí rî, õzõ ĩîcâ trá ãmâ drí tã tãndí rî ꞌẽzó ãmâ ãzí-ãzí yî drí rî, mã õꞌê tã tãndí rî gógó ꞌdĩ gólĩyî drí pị pịŝịĺị ãlô sĩ kậyị vósĩ cé, ngîngî lâ ãmâ ãzí-ãzí gólĩyî krístõ ꞌbá ró rî yî drí. Úlị ạ dũkũ Póõlõ kâ Gãlãtíyã lé ꞌbá yî drí rî 11 Nĩ ndrê drẽ tã îgĩ ạńgị trạ kũ má drí îgĩlí ãnî drí ámâ drị sĩ nõ, má îgĩ ꞌdĩî ãnî drí nĩ zị ró bê dódó. 12 Õjílã gólĩyî rĩ ꞌbá ĩyî tã âtálé ãnî drí mbârâkã sĩ, tãlâ nĩ õꞌdê ró bê bãsã ꞌá ꞌdĩ ꞌbá yî, gólĩyî rî tã ꞌdî ꞌbá yî âtálé ãnî drí ĩtí ꞌdĩ, tãlâ õjílã Yúdạ yí kâ ãꞌdô ró bê ãyĩkõ ró ĩyí bê. Gólĩyî lẽé kô lâŋõ ûsúlị, tãlâ tã îmbâ kĩꞌá nĩ rî, cé õdrã Yésũ Krístõ kâ fê lậlị -lậlị drị ị rî ãâꞌdô ãmâ pãꞌá nĩ rî tãsĩ. 13 Gõꞌdá gbõ lé õjílã ꞌdẽ ꞌbá trá bãsã ꞌá ꞌdĩ ꞌbá yî rî, ị njị ị ĩyî tã ꞌbãꞌbã Yúdạ yí kâ ꞌdĩ ꞌbá yî kpá ndrĩ kô. Ĩtí rî, gólĩyî lẽ ĩyíkâ nõ, nĩ õꞌdê ró bê bãsã ꞌá cé tãlâ yĩ õlômbê ró ĩyî tã bê ãnî sĩ ĩyî ãzí-ãzí yî õjílã Yúdạ yí kâ drí kĩ, yĩ õꞌbã ãnî nĩ ꞌdẽlé bãsã ꞌá. 14 Ãꞌdô íyíkâ ámákâ rî ĩꞌdî rî, má lẽ ámákâ ámâ lômbélé cé tã ãlô tãsĩ, cé õdrã Yésũ Krístõ kâ fê lậlị -lậlị drị ị rî tãsĩ. Õdrã Yésũ Krístõ kâ fê lậlị -lậlị drị ị ꞌdĩ tãsĩ rî, tã ãngó nõ kâ rî ꞌbá yî gõꞌdá trá mbârâkã ãkó má drí. Gõꞌdá õjílã ãngó nõ kâ ndrê mâ trá tõtõ ró ĩyî lị fị ꞌá ngá tãkó ró. 15 Tã gólâ tã lâ drí lâzélé gạ rạ ꞌẽlé rî âꞌdó kô ꞌdẽꞌdẽ bãsã ꞌá rî ĩꞌdî. Tã gólâ tã lâ drí lâzélé gạ rạ rî ĩꞌdî nõ, Ôvârí jâ ãmâ trá âꞌdólé õjílã óꞌdí ró ãmâ pãpã sĩ. 16 Gõꞌdá õjílã gólĩyî rû jã ꞌbá rĩlí zãâ tã Ôvârí kâ ꞌẽlé rî ꞌbá yî, gólĩyî trá pạ tị ị ró õjílã Ôvârí kâ rî yî ĩꞌdî. Ĩtí rî, Ôvârí õndrê gólĩyî ĩzã pị pịŝịĺị tãndí sĩ, gõꞌdá gólâ õfẽ tã ạ ꞌdị gólâkâ kpá gólĩyî drí ndrĩ. 17 Ạ dũkũ lâ ró rî, má âtâ ãnî drí, õjílã ãzâ õrî kô zãâ rĩꞌá lâŋõ fẽlé má drí lôsĩ gólâ má drí rĩꞌá ꞌẽlâ lãjóꞌbá Yésũ kâ ró nõ ꞌá, tãlâ mâ rî gógó nõ má ûsû lãzé trá lâŋõ bê rõô ꞌá lâ, tã âꞌdálé kĩ, pạ tị ị mâ ĩꞌdî lãjóꞌbá Yésũ Krístõ kâ. 18 Ámâ ậdrúpị yî ámâ îzó yí bê, Kúmú ãmákâ Yésũ Krístõ õfẽ õrẽ ãnî drí pị pịŝịĺị tãndí sĩ. Ãâꞌdô ĩtí.